《UFO離奇命案》首映禮宣布7月4日提前公映

8大影展激讚大癲黑色喜劇《UFO離奇命案》

國際 UFO 日舉行群星首映禮別具意義

隆重宣布羅斯威爾事件日 7月4日提前公映搶先開心Share

《大叔的愛》CP黃德斌呂爵安無預警重聚 Edan勁讚「我最喜歡嘅港產片，笑到我傻」

出品人黃德進罕有分享投資300萬心路歷程「獨樂樂不如眾樂樂，希望為觀眾帶嚟一部放聲大笑嘅電影」

由凌文龍、楊偲泳、陳湛文、林子傑、黃德斌主演，備受期待的大癲黑色喜劇《UFO離奇命案》今晚於圓方 PREMIERE ELEMENTS 舉行首映禮，一眾主創團隊及行內友好出席，現場氣氛熱烈。《UFO離奇命案》以荒誕幽默的拍攝風格，融合UFO都市傳說與黑色喜劇元素，深受全球各地影展肯定，先後晉身八大影展－烏甸尼遠東電影節（競賽單元）、紐約亞洲電影節（競賽單元）、西班牙維克亞洲夏季電影節（競賽單元）、金馬奇幻影展、香港亞洲電影節、新加坡華語電影節、上海國際電影節、馬來西亞國際電影節，並於其中烏甸尼遠東電影節榮獲白桑莓最佳首作獎 ，成為本屆唯一得獎港片。劇組更於首映禮即席宣布電影徇眾要求提前至羅茲威爾事件日7月4日公映，標誌著這部創意好評佳作即將更快跟香港觀眾見面，預料將在暑期檔期掀起一陣瘋狂喜劇熱潮。

《UFO離奇命案》由人氣劇集《大叔的愛》導演郭家禧（CK）及導演李振傑（Jack）聯合執導，出品人黃德進（Eddie）、監製馮惠思、編劇何肇康及蔡嘉桁共同打造。首映禮上，主創團隊與主演齊聚一堂登場，包括主要演員凌文龍、楊偲泳、陳湛文、林子傑，以及許晉邦、王俊傑、黃梓曜、何彥罡、王瑋程、麥芷誼等參演演員。首映禮上，眾主創分享對電影充滿信心，小龍透露：「劇本好特別，用上揭秘方式，喺喜劇包裝下充滿錯摸，我相信會帶到驚喜畀觀眾。」；Renci笑言：「我覺得我哋投資方好大膽，導演以有限資源，又好大膽揀咗我哋呢班演員，我覺得係好有挑戰性！」早前憑本片榮獲香港電影金像獎最佳男配角提名的陳湛文指：「之前同導演郭家禧（CK）合作過電視劇好愉快，之後收到佢邀請話拍一部喜劇，就即刻答咗佢『做』，所以馬上入咗局。」；林子傑Ronald大爆：「我聽完個故事，即刻飯應做，因為呢部係我喺大銀幕上面，第一個領銜主演。」Ronald的坦率更令現場嘉賓給予極大掌聲。

首映禮上，出品人黃德進（Eddie）、導演郭家禧（CK）及導演李振傑（Jack）三人同場更帶來炒不可言的感動，亦引伸投資者黃德進對兩位導演郭家禧及李振傑的十足信任。對於他二話不說投資三百萬給兩位導演製作此片，出品人黃德進（Eddie）罕有分享：「今晚感受到大家反應，更加肯定呢份信任絕對值得，好多謝呢兩位好朋友，其實CK同Jack反而係第一個提醒我製作電影風險好大，但係我覺得三百萬嘅投資，喺電影製作中可以話係有限規模；但從觀影體驗來看，唔代表作品只值呢個資金。人好容易用製作成本，去衡量作品的優劣，但三百萬呢個數字，其實只係天時地利人和嘅結果。而電影呢個夢工場，從來唔應該只以成本來界定好壞。所以我認為只要自己應付到資金，就獨樂樂不如眾樂樂，交由兩次朋友創作同執行一部令觀眾放聲大笑嘅電影。」CK感性回應：「好感激大家嘅互相扶持，大家都付出咗所有，我都諗哂所有方法點樣去令呢部電影成功，我覺得自己已經豁咗出去。」；而Jack坦言：「我覺得自己嘅人生好好彩，即使電影路唔容易行，但係有好多人扶持，包括Eddie呢位好朋友嘅信任，冇你冇我！」昨晚首映禮必定成為三人多年建立的友誼上，特別充滿意義的日子。

被《大叔的愛》導演CK發現身在觀眾席並驚喜點名的Edan更即席大讚：「入嚟睇完呢套戲覺得好驚喜，雖然我都參與過唔少電影，可能呢部係我最喜歡嘅港產片，我挑剔唔到任何嘢呀，每一個演員、每一個角色，仲有劇情，無論拍攝手法、鏡頭調度，不斷Loop呢個gag，以至埋尾，由頭到尾成件事係完整到不得了。我十分之enjoy，笑到我傻，真係好喜歡，真係好開心，仲有湛文個籮柚好正！」完場後，Edan更與導演CK及德斌相擁及合照留念，勢必掀起一陣回憶殺！

此外，首映禮吸引大批圈中好友到賀，現場星光熠熠，排名不分先後包括錢嘉樂、談善言、鍾柔美、伍允龍、邱彥筒、林家、趙希洛、梁敏巧、林澄光、三位Lolly Talk成員曾美欣、劉綺婷、郭曉妍、張凱娸、李凱賢、蓋世寶、連花、張迪文、許月湘、肥腸、施焯日、林俊其、馮皓揚、蔡景行以及導演－梁栢堅、關智耀、楊潮凱、吳詠珊、趙善恆、王德健等。

《UFO離奇命案》故事講述25年前，小學生豪仔於東頭山離奇失蹤，被指遭外星人綁架，成為神秘都市傳說。25年後，一對網紅情侶為吸引流量，重返事發現場拍攝整蠱短片，豈料假戲真做釀成真命案，隨後神秘勒索短訊、外星人現身、眾人離奇失去記憶等荒誕事件接連發生，一切竟與25年前的失蹤案互相呼應，事件愈演愈失控，笑料與反轉不斷。