2024年7月26日至7月30日 第25屆香港動漫電玩節(ACGHK 2024) – HASBRO於會場發售商品

San Diego Comic-Con限定,今年都會嚟到Hasbro Fans Expo X HK ACG攤位!
第一款介紹變形金剛 #SDCC 2024限定版套裝- Transformers Legacy United Voyager Class Fractured Friendship 2-Pack
靈感嚟自War for Cybertron ，仍然喺親密戰友嘅Orion Pax同Gladiator Megatron造型為藍本。
兩具玩偶都具有可活動嘅關節同令人驚嘆嘅變形系統，令佢地可以喺機器人同卡車模式或者坦克模式之間變換，加上限定版獨有嘅配色同刻紋，並附帶劍、錘子、火箭筒、鑽頭和鹤嘴鎬等配件，可以擺出有型嘅動作和姿勢，變迷可以收藏呢對史詩式嘅變形金剛傳奇!

 

G.I. Joe #SDCC 2024限定版套裝 – G.I. Joe 義勇群英 Classified系列：Cobra Commander (Once A Man)
G.I. Joe Classified系列中第130號，反派人物眼鏡蛇指揮官Cobra Commander於《G.I. Joe：The Movie》中由人變異成響尾蛇之間嘅詭異造型。眼鏡蛇指揮官具有多個可高度活動嘅關節以及9件與角色相關嘅配件，包括4隻替換手、替換帶頭盔嘅頭部、破損嘅面罩、匕首、背包同武器配件。還附帶一個眼鏡蛇指揮官退化和變異成原始蛇形狀態嘅人偶，內容非常豐富。
一如以往，今年嘅SDCC限定版繼續以豪華盒子包裝，外盒展示指揮官變異前後嘅精彩插畫，封面更有幻變效果，絕對係一盒極具收藏價值嘅藝術品。

 

Marvel Legends #SDCC 2024限定版套裝 Death’s Head
Death‘s Head喺孩之寶嘅歷史中擁有奇特嘅歷史同地位，事因這角色起初是於《變形金剛》漫畫中登場嘅機械賞金獵人，誰不知其後大受歡迎，令佢能在漫威宇宙中再衍生出屬於自己嘅系列作品，被加入到歷史悠久嘅漫威傳奇系列中。Death’s Head附帶包括盾牌同斧頭等六種配件，並以復古懷舊嘅包裝盒在今次SDCC 2024限量版形式出現，見到盒面上嘅黑白標誌同80年代插畫風格，是所有喜歡漫威嘅粉絲絕對唔會錯過嘅會場限定！

 

Star Wars Black Series #SDCC 2024限定版套裝 The Ultimate Darth Maul
今年SDCC限定版套裝靈感來自屆滿25周年的《STAR WARS：Episode I – The Phantom Menace》，其中嘅很受粉絲歡迎的經典角色Darth Maul同私家載具Sith Speeder 嘅套裝形式發售。
套裝配備左6件配件，包括佢標誌性嘅雙刃光劍同一雙望遠鏡，加上用上布衣外袍，令活動力大增，配合坐上載具嘅方式，將Darth Maul 嘅型格表露無遺，對星戰迷絕對吸引力爆燈。

 

限量贈品非常豐富，只要購物滿指定金額，即送其中一款，名額有限，送完即止！

 

購物滿$3,000或以上送「變形金剛初始篇Studio Series柯柏文（戰損限定版）」一個 – 柯柏文全身以舊化戰損塗裝上色，全球限量，每盒都有獨立號碼編號，彌足珍貴，粉絲們必搶之選。（每日限量8個，合共送出40個）

 

購物滿$800或以上送「變形金剛40周年紀念啤牌」 一盒- 40周年限定生產，每張卡都有博狂兩派各式人物嘅獨立圖案，極具收藏價值 （限量280盒）

 

購物滿$500或以上送「變形金剛40周年限定幣套裝」一盒 – 專為慶祝40周年全新設計紀念幣，每套均附送有獨立編號記念卡，只此一次入手機會，極其難得！（限量280盒）

 

尚有更多贈品等嚟帶佢地番屋企：

購物滿$2,000或以上送「星球大戰Black Series Leia Organa 激光劍 」一把（每日限量3把，合共送出15把）

 

購物滿$300或以上送「變形金剛Botbots套裝」一盒（限量500盒）

咁多同咁精彩嘅限量贈品，大家想要換領就記得要一早過嚟D02展位睇睇有咩買嘞！
註 ： 贈品送完即止，以單一發票限取贈品一份，贈品與優惠不能同時使用，不設退貨或更換服務。圖片只供參考，贈品款式不限。孩之寶香港保留一切最終決定權。

 

Hasbro Fans Expo 2024
日期 ： 2024年7月26日至30日
地點 ： 香港會議展覽中心D02攤位