親跑港九五區力谷《深宵閃避球》 鄭伊健一拖十謝票超興奮 呼籲觀眾支持新導演新演員

(2022年9月25日.香港)由新晉導演應智贇自編自導,鄭伊健、周家怡率領一眾新晉演員包括李靖筠、陳海寧、鍾雪瑩、雲浩影、黃淑蔓、李玗蓁、王頤、宋嘉儀主演,號稱香港史上最揸流攤運動喜劇《深宵閃避球》將於10月6日上映,昨日指定六場優先場門票均被秒殺,開一場爆一場!伊健率領導演及一眾演員一行共11人於優先場首日親身答謝觀眾,走訪銅鑼灣、尖沙咀、旺角、荃灣及屯門不同戲院與粉絲見面,成為近年最多主創同場謝票的香港電影,盡顯上下一心的體育精神!

有見粉絲反應熱烈,伊健、家怡更在入場前驚喜簽海報送給粉絲。至於伊健甫出場,已被粉絲大叫《深》片中熱血教練名字「劉Sir」,肉緊電影口碑的伊健則馬上問觀眾:「我哋最緊張就係想聽到大家嘅反應,鍾唔鍾意呢部戲先?」;粉絲們即熱烈歡呼「劉Sir好靚仔!拍多啲喜劇!」更有首日已經二刷的粉絲以電影對白回應:「喺邊度跌低,就要喺邊度再跌低!」;伊健更對此熱情回應:「做人就係咁㗎啦!」希望大家抱住電影的精神,人生上遇到困難與失望,更要用心走出自己的路!

謝票時被問到《深宵閃避球》對眾人的意義,伊健坦言比起自己,更希望大家留意到一眾電影生力軍:「我今次拍攝《深宵閃避球》遇到一個好有意思嘅故仔,新嘅導演應智贇,仲有咁多位新嘅演員,我希望大家會記住佢哋每一個面孔,留意住佢地發展!」伊健盡顯對新人的細心照料和關心,難怪李靖筠、黃淑蔓、雲浩影等透露得知能夠跟伊健同場謝票,前一晩緊張到很晚入睡!不過眾人卻越謝越興奮,為跑戲院答謝粉絲,更不惜善用晚餐時間,到戲院食住爆谷,親身了解首批觀眾的反應!

而女主角家怡亦如片中「楊姑」一角充滿愛,對新演員們讚口不絕:「其實粉青隊八個女仔都好勤力又好乖,大家唔好俾佢地電影入面百厭嘅一面嚇親!至於有冇人係本色演出就要靠大家自己發掘啦,哈哈!」而家怡亦預告不會停下來,稍後將繼續盡量抽出時間四出謝票,體現「粉青隊」的驚人戰力!

《深宵閃避球》故事講述外展社工楊琦(周家怡 飾)主理「深宵體育館」 計劃多年,一直鼓勵不願歸家的少女們,凌晨時份來到體育館做運動;無奈管理層突然出現人事變動,隨即面臨閉館危機… 在自稱資深教練的劉志聰(鄭伊健 飾)協助下,集合8位問題少女組成「粉青隊」,參加全港閃避球錦標賽:打贏就留館留人,打輸就執包袱走人!教練同8位隊員本身都各有煩惱,但呢一刻無得再退避,全情投入頂硬上,一齊領悟閃避球嘅真諦!

《深宵閃避球》Life Must Go On

10月6日上映

9月24日起口碑優先場