堅揪！《天涯明月刀M》遊戲實機場景有得睇！先知封測即將殺到！
《天涯明月刀 M》打造真實場景嘅每個細節，擁有如同身歷其境場景設計
《天涯明月刀M》開放世界 MMORPG 手機遊戲事前預約開放一星期內已經突破35萬人，官方於 （21）日正式公開遊戲內場景宣傳片，影片中可以睇到遊戲喺場景、地景、天氣同光影上都有極為細緻嘅表現。官方同時宣布遊戲嘅限量封測即將開啟，凡喺有參加過事前預約嘅玩家都有機會抽中封測資格。
《天涯明月刀M》遊戲場景首度曝光：
《天涯明月刀 M》嘅世界相當遼闊，而世界中嘅每一個角落都擁有各自嘅地景特色，東越嘅海上明月、江南嘅雄偉大佛、巴蜀嘅崇山峻嶺，成個世界都等緊你去探索。並且，遊戲中嘅天氣系統都極為細緻，時間晝夜自然流逝、即時光照變化、從陰晴雨雪，到彩虹、沙塵暴、極光、月食、流星雨等多種唔同嘅隨機天氣變化，隨時發生喺呢個世界當中。玩家可以登上東越眺望一輪明月上升，睇住月光喺臉頰上流轉，亦都可以喺豔陽之下穿梭位於荊湖嘅竹林當中，俾陽光溫暖你嘅同時、都可以感受到一抹清涼。
《天涯明月刀 M》由頂尖遊戲引擎開發，呈現如肉眼所見嘅光照效果
開發團隊透露，可以令到玩家沉迷喺《天涯明月刀 M》場景嘅背後，蘊含著極為龐大嘅製作工程。劇情同地理架構團隊首先根據創意基礎、地理設定，同埋劇情需要規劃出基本架構，美術團隊再基於文學基礎同現實參考，製造出大量嘅場景概念原畫。最後，再根據玩家嘅體驗，去不斷咁改良場景嘅美感同表現，先至能夠製作出咁有氛圍感嘅一幕幕景色。
《天涯明月刀 M》嘅劇情同樣有超水準嘅畫面表現，帶給玩家高度嘅沉迷感
目前，《天涯明月刀 M》嘅事前預約人數已經正式突破 35 萬人，官方亦正式宣布遊戲即將於 5 月 22 日至 5 月 24 日開啟首次限量封測，凡係有參與事前預約嘅玩家都有機會能夠參與。同時，獲得封測資格嘅玩家仲可以獲得兩組用嚟邀請朋友一齊參加第二次封測嘅「封測邀請碼」，所以，即使冇被抽中封測資格，都可以透過其他人提供嘅「封測邀請碼」，喺第二次封測體驗《天涯明月刀 M》。另外，《天涯明月刀 M》官方粉絲專頁都會不定期舉辦活動，抽取限量封測資格。
