2017競技大作《空城計》正式上架 召集全港群雄共襄霸業!

松崗集團Ucube重點大作,即時戰略遊戲《空城計》(iOS / Android)

今日喺台港澳雙平台正式上架,為咗慶祝《空城計》上市官方仲特登舉行「老虎機有獎拎」活動,大獎仲可以帶走部PlayStation 4 Pro添!

喺《空城計》入面君主可以體驗前所未有嘅【即時攻城對戰模式】,利用唔同兵種﹑各式絢爛武將技,配搭符文裝備占領敵人城池開拓屬於自己嘅三國霸業!輕競技廝殺快感將引領全港君主體驗前所未有嘅三國世界。

【運籌帷幄 善用策略計謀 攻占所有城池】

喺《空城計》入面,只要用手指掃吓,就可以輕鬆出兵占領無人據點或對敵方據點進攻,只要喺時間內占領最多據點嘅一方就可以拎到最終勝利。嬴咗嘅君主將可獲得獎勵寶箱,開啟寶箱會獲得豐厚獎勵。君主要利用唔同兵種搭配各種武將技能,占領箭塔、升級軍營、將敵人城池一舉攻佔。輕策略玩法隨時考驗君主嘅即時應變能力!想拎到更多嘅武將同元寶?咁就要以占領所有據點為首要目標!

 

【無限可能 自由流派、玩出屬於自己嘅遊戲風格】

遊戲中兵仔共分成三大流派,分別係「速度、造兵、攻擊」,速度流兵仔行軍快速,適合鍾意快上快落嘅君主。造兵流就係產兵速度快,適合鍾意慢慢磨死敵軍嘅君主。而攻擊流兵仔擁有高攻擊力,啱晒鍾意全軍出擊全滅敵人嘅你。三大流派再配搭唔同嘅武將技能,將會衍生出唔同變化,帶俾君主同之前遊戲唔同嘅戰場體驗。

【廣納人才 培養武將、等敵軍試吓火球落雷啦】

除咗利用各種攻城流派占領據點外,武將技能都係《空城計》入面嘅一大特色,每位武將都擁有特殊法術技能,就好似張角嘅「落雷」、郭嘉嘅「冰封」,都可以直接對敵軍造成莫大傷害。而關羽嘅「水淹七軍」、陸遜嘅「火攻」,則可以直接針對敵人據點兵力造成損傷,除咗呢啲仲有恢復、增加我方兵力,甚至改造據點變成雷神塔、投石塔…等多種武將法術君主都可以自由選擇運用。只要搭配唔同嘅法術同釋放時機,每場戰爭君主都可以變成再世郭嘉扭轉戰局、以少勝多。

【先利其器 符文系統、等你嬴在起跑線】

《空城計》唔同其他即時對戰遊戲,遊戲入面特別加入咗「符文」系統。符文大致上分為「通用屬性」同「絕地屬性」兩種,等級越高屬性越好。每種符文都有唔同能力,就好似「通用屬性符文」係君主一裝備上去就可立即發動其能力,例如增加攻擊、造兵、移動…等,而「絕地屬性符文」喺一般裝備時並唔會發動,必須滿足某些特殊條件,先會發動更勝「通用屬性符文」嘅強大能力。另外喺「通用屬性符文」入面,仲特別包含「特殊屬性符文」,呢類符文特色可以直接影響君主據點能力:就好似增加初始兵力、總兵力、或減少建築物升級花費時間…等,想贏在起跑線,裝備符文熟悉符文絕對係君主必修一課!

【全球同服 為港增光、2V2即時對戰開波】

即時對戰係《空城計》遊戲入面嘅核心玩法!君主可隨時隨地打返場3分鐘嘅快速對戰。遊戲採用全球同服概念,等君主可以輕鬆挑戰世界各國戰略高手,另外仲有「2V2即時對戰」,可以隨時同其他巴打組隊結盟進行雙人2V2團戰,究竟係增加你地嘅默契定係破壞你地嘅友情?入嚟《空城計》自有分曉。

【隨時挑戰 單人副本、蒐集寶箱拎獎勵】

對戰打唔嬴唔緊要!因為喺《空城計》入面都設計咗單人故事模式,君主通關故事劇情,一樣可以拎到寶箱獎勵,如果一開始冇信心可以打嬴其他君主,建議可以先喺單人副本開始你嘅霸主之路!蒐集寶物練好技術再同其他君主一決高下!

 

【送禮唔手軟 日日簽到、元寶銀幣武將日日送】

為咗慶祝《空城計》雙版本正式上市,官方仲特登舉行「老虎機有獎拎」活動,除左勁多虛寶之外,大獎仲可以帶走部PlayStation 4 Pro添!嚟緊仲會有以下活動等住大家參加,包括
《Umore APP免費送》、《點名!小兵來簽到》、《免費寶箱爽爽領》、《超高級!星級寶箱》、《-30%!符文限時優惠》、《一美傾城!貂蟬入手》、《累積獎勵!一口氣領取吧!》等。大量元寶銀幣、武將卡同傳說寶箱,君主通通有機會拎走!加入【空城計官方粉絲團】仲可以拎到第一手最新消息,而家就即刻下載《空城計》車爆敵軍城池啦!

 

Android下載點http://hyperurl.co/kokonewsand

IOS下載點http://hyperurl.co/kokonewios

官方粉絲團:https://www.facebook.com/KCG.UCUBE