2018年6月9日-10日 Evolution Toy 2018 Summer [email protected] Kong

今年重點似乎集中於2大系列 Hero Action Figure 和 Future Quest 兩者身上。Hero Action Figure 繼續推出老餅特撮超人,如銀面飛俠、鋼鐵王、流星超人、宇宙猿人、Janborg A系列、電光科學人…等等,隻隻都好吸引,入齊條路仲難過昭和S. H. Figuarts懞超。電光超人古拉特系列真係估佢唔到,超人、機械人、戰機齊晒,唔知有幾多師兄會感興趣。 Future Quest 隻隻高大威猛,但真係要留意會否腳軟。Future Quest 的Getter One 將爬過那一再延期鐵人28頭,據聞約很快便派貨,而鐵人28則順延8月。Getter One 將推出數種顏色,同時亦加推新Getter,至於萬能俠2號今年已有樣睇,加埋巨靈神,三隻將會集齊。最令人興奮的是推出聲稱可完全合體的六神合體,但造價高達$2980……!Dynamite Action 和 Metal Action 各有代表,Dynamite Action 分別有呢期大熱既巨靈神和各款戰機、查勃卡,而Metal Action 則有百變龍和太空飛鷹俠機體加特效,百變龍合金化確實幾吸引。最近千值練既機甲創世記引起話題後,這邊ET亦推出相關模型。Future Quest 系列稍後亦會推出Q版機械人,從黑影所見,包括了宇宙大帝、金毛獅王、V型電磁俠、超力電磁俠、大武士、太空保衞者、光速電神等等,但未知是否合金,另有黑影預告,估中沒難度的,大家估估吧。

(From: Kevin Tam)

Related Post